Inspektorati Policor i Kosovës ka arrestuar një zyrtar policor për keqtrajtim gjatë ushtrimit të detyrës zyrtare.
IPK njofton se më 1 shkurt kishte pranuar ankesë nga një qytetar i cili ka pretenduar për tejkalim të autorizimeve policore gjatë përdorimit të forcës nga disa zyrtarë policorë në Lipjan.
“Pas disa veprimeve hetimore në konsultim me prokurorinë kompetente, hetuesit e IPK-së kanë arrestuar sot një zyrtar policor (punonjës në Stacionin Policor të Lipjanit) që ishte i përfshirë në këtë incident”, ka njoftuar IPK përmes një komunikate.
Zyrtari është dërguar në mbajtje për 48 orë dhe është suspenduar nga puna.
“Hetuesit e IPK-së pritet të ndërmarrin edhe veprime të tjera hetimore në konsultim të vazhdueshëm me prokurorin përgjegjës për të sqaruar rrethanat e këtij incidenti”, thuhet më tej.
-
IPK-ja arreston një zyrtar policor për keqtrajtim gjatë ushtrimit të detyrës
-
Arrestohet një polic, dyshohet se bëri keqtrajtim gjatë detyrës zyrtare
- Arrestohet një polic në Prishtinë pasi dyshohet se keqtrajtoi një person
-
Arrestohet një zyrtar policor nën dyshimin për ngacmim
-
Rekomandohet suspendimi i një polici, dyshohet për keqtrajtim gjatë një arrestimi