Dy persona janë arrestuar në raste të ndara në pikën kufitare në Vërmicë pasi tentuan të korruptojnë zyrtarët policorë me shuma të vogla parash.
Rasti i parë është shënuar më 16 maj, rreth orës 19:20, kur një shtetas kosovar ka tentuar t’i ofrojë një zyrtari policor shumën prej 10 eurosh me qëllim të shmangies së procedurave ligjore.
Policia e ka ndaluar të dyshuarin në vendin e ngjarjes dhe, me vendim të prokurorit, ai është dërguar në mbajtje.
Rreth dy orë më vonë, në orën 21:50, një tjetër person është arrestuar në të njëjtën pikë kufitare pasi që i kishte ofruar policit 1000 lekë shqiptare.
Edhe ky i dyshuar është ndaluar menjëherë dhe është vendosur në mbajtje me urdhër të prokurorit përgjegjës.
Artikuj të ngjashëm
-
Tentoi ta korruptonte policin në kufi me 20 euro, arrestohet kosovari në Vërmicë
-
Arrestohet një serb në Vërmicë, u ofroi ryshfet zyrtarëve në kufi
-
Arrestohet një person në Vërmicë, tentoi t’u japë 5 euro ryshfet policëve kufitarë
-
Ia ofroi policit në kufi 5 euro, arrestohet
-
Një shtetas i Shqipërisë arrestohet në Vërmicë për ryshfet