Një 50-vjeçar dyshohet se është vetëplagosur të dielën me armë zjarri në fshatin Mirenë të Lipjanit.
Policia ka njoftuar se rasti ka ndodhur rreth orës 12:00.
"Sot, rreth orës 12:00, policia është njoftuar se në fshatin Mirenë të Lipjanit, një person (mashkull) është plagosur me armë zjarri. Njësitet policore kanë dalë në vendngjarje dhe në koordinim me Prokurorin e shtetit,janë duke u marrë me hetimin e të gjitha rrethanave që lidhen me rastin, ndërkohë që personi i lënduar është dërguar për tretman mjekësor", ka thënë zëdhënësja e Policisë, Flora Ahmeti.
Për gjendjen e tij shëndetësore janë deklaruar nga Qendra Klinike Universitare e Kosovës, ku po trajtohet viktima.
Drejtori i Emergjencës Naser Syla, ka thënë për KOHËN se gjendja e tij aktualisht është stabile dhe se pas intervenimit do të transferohet në tjetër klinikë.
Edhe
Plagoset pas një mosmarrëveshjeje një person
“Janë kryer ekzaminimet e nevojshme, tani është në sallën operative të Emergjencës duke u intervenuar nga ekipet e anestezionit dhe urologjisë, pas operacionit do të transferohet në Klinikën e Urologjisë për trajtim të mëtutjeshëm”, ka thënë ai.
