Një 32-vjeçare nga Prishtina është arrestuar në Prizren nën dyshimin se ka kryer tri vepra të vjedhjeve të rënda.
Në njoftimin e Policisë thuhet se e dyshuara F.M., është arrestuar të mërkurën dhe është dërguar në paraburgim.
“Personi i dyshuar është F.M., 32 vjeç, nga Prishtina. Pas intervistimit në prani të avokatit mbrojtës, ndaj të dyshuarit është lëshuar vendim mbi ndalimin nga prokurori përgjegjës, dhe i njëjti është dërguar në paraburgim”, thuhet në njoftim.
Tutje, policia ka bërë të ditur se veprimet hetimore janë zhvilluar në koordinim të plotë me organet e drejtësisë.