Kronikë

Paraburgoset suharekasi i dyshuar për krime lufte

Foto: Policia e Kosovës / screenshot / ilustrim

Gjykata Themelore e Prizrenit, Departamenti i Krimeve të Rënda, i ka caktuar masën e paraburgimit në kohëzgjatje prej 1 muaji një të dyshuari për krime lufte në Kosovë.

Themelorja e Prizrenit thotë se për të pandehurin me iniciale R.SH. nga fshati Shirok, Komuna e Suharekës, ka dyshime të bazuara se ka kryer veprën penale “Krimi i luftës kundër popullsisë civile”.

Masa e paraburgimit do t’i llogaritet prej datës së arrestimit 24.05.2019 e cila do të zgjasë deri me datën 23.06.2019.