Gjykata ka shpallur aktgjykimin në rastin e terrorizmit për të akuzuarit Ardian Mehmeti, Nuredin Sylejmani, Valon Shala, Genc Selimi, Musli Hyseni.
Ardian Mehmeti është dënuar me shtatë vjet burgim e 2800 euro gjobë, Nuredin Sylejmani me gjashtë vjet burgim e 1800 euro gjobë, Valon Shala me pesë vjet burgim e 1800 euro gjobë, Genc Selimi 4 vjet e 6 muaj burgim, Musli Hyseni një vit burgim dhe 600 euro gjobë, raporton KTV.
Valon Shala, Ardian Mehmeti, Genc Selimi, Nuredin Sylejmani dhe Musli Hyseni akuzohen për organizimin dhe drejtimin e një grupi terrorist, pjesëmarrjen në grup terrorist, përgatitjen e veprave penale terroriste, prodhimin e paligjshëm të materialeve shpërthyese, posedimin e paligjshëm të armëve dhe të eksplozivëve, nxitjen e urrejtjes fetare, sulmin e rëndë në territorin e Kosovës, si dhe kryerjen e terrorizmit brenda territorit të Siri.
Shumica e të akuzuarve janë dënuar për armëmbajtje pa leje, prodhim e transport të armëve. Prokurori është tërhequr nga vepra penale e terrorizmit në mungesë të provave.
I akuzuari Genc Selimi është dënuar edhe për veprën penale të nxitjes së urrejtjes dhe përçarjes.
© KOHA. Të gjitha të drejtat janë të rezervuara.
