Policia e Kosovës ka konfiskuar një pushkë automatike AK47 dhe një karikator me 30 copë fishekë në shtëpinë e një të dyshuari në Malishevë.
Siç njoftoi Policia të hënën, konfiskimi është kryer gjatë hetimit të një rasti të kanosjes, ndërsa i dyshuari I.B., i lindur më vitin 1981, e ka pranuar se i ka në posedim në mënyrë të paautorizuar.
“Njësia e Hetimeve në kuadër të Stacionit Policor në Malishevë me datën 20.02.2023 në shtëpinë e të dyshuarit kanë konfiskuar një pushkë automatike AK47, një karikator dhe 30 copë fishekë të po të njëjtës armë, të cilat i dyshuari gjatë intervistimit kishte deklaruar se i posedonte në mënyrë të paautorizuar”, thuhet në njoftimin policor.
Ndaj tij është iniciuar rast për “kanosje” dhe “mbajtje në pronësi, kontroll ose posedim i paautorizuar i armëve”. Policia njoftoi se rasti do të trajtohet në procedurë të shpejtë.
© KOHA. Të gjitha të drejtat janë të rezervuara.
