Kronikë

Sekuestrohen dy armë dhe një elektroshok në Prishtinë

Policia e Kosovës ka sekuestruar dy armë zjarri dhe një elektroshok të dielën në Prishtinë.

Sipas njoftimit policor, njëri rasti ka ndodhur në rrugën “Bill Klinton”, ku një veturë është ndalur nga autoritetet për kontroll, me ç'rast është gjetur një armë me shtatë fishekë.

Në rastin e dytë, arma e zjarrit dhe elektroshoku janë sekuestruar në rrugën “Bajram Bahtiri”.

“Personat e dyshuar të të dyja rasteve janë shoqëruar në stacion policor dhe ndaj tyre është iniciuar rast për mbajtje në pronësi, kontroll ose posedim të pa autorizuar të armës, dhe në konsultim me prokurorin e shtetit, janë liruar në procedurë të rregullt”, thuhet në njoftimin policor.