Tetë lokacione në rajonin e Prishtinës janë bastisur nga Policia e Kosovës, Sektori i Hetimeve i Departamentit të Kufirit, të mërkurën. Bastisjet janë kryer nën dyshimin për veprën penale “Importi, eksporti, furnizimi, transportimi, prodhimi, këmbimi, ndërmjetësimi ose shitja e pa autorizuar e armëve ose mjeteve plasëse”.
Nga bastisjet janë sekuestruar: një pushkë automatike AK-47, 23 fishekë, dy magazina (karikator), një bajonetë, një thikë, 78 gram të substancës së dyshuar narkotike, si dhe pajisje elektronike, gjithsej shtatë telefona celularë.
Pas marrjes në pyetje dhe procedurave të rastit, me urdhër të prokurorit të rastit, katër të dyshuarit meshkuj kosovarë janë liruar në procedurë të rregullt.
