Sot për herë të parë do të mblidhet Komisioni Hetimor Parlamentar për veprimet dhe mosveprimet institucionale lidhur me vrasjen e Arlinda Zekajt dhe trajtimin e dhunës ndaj fëmijëve dhe grave.
Mbledhja do të mbahet në orën 11:00.
Ky komision u themelua më 29 tetor në Kuvendin e Kosovës më 90 vota për.
Komisioni ka 11 anëtarë e mandat maksimal gjashtë muaj. Kryetar i Komisionit është caktuar Burim Ramadani i Aleancës, ndërsa zëvendëskryetar Adnan Rrustemi i Vetëvendosjes. Anëtarë të tjerë janë Armend Baloku, Arijeta Rexhepi, Osman Musliu dhe Adelinë Tërshani nga VV-ja, Besa Kabashi-Ramaj dhe Eman Rrahmani nga PDK-ja, Doarsa Kica-Xhelili nga LDK-ja dhe Jovana Radosavljeviq e Emilija Rexhepi nga komunitetet.
Zekaj u vra më 25 tetor nga ish-kunati i saj, ndërsa vetëm tri ditë më herët i kishte shkruar letër institucioneve duke alarmuar se jeta e saj po rrezikohej.