Një person ka pësuar lëndime si pasojë e një aksidenti mes një treni dhe një veture të martën në Fushë-Kosovë.
Zëdhënësja e Policisë për Rajonin e Prishtinës, Flora Ahmeti, ka thënë se i lënduari po merr trajtim mjekësor.
“Sot rreth orës 07:30 kemi pranuar informatën për një aksident trafiku në rrugën ‘Berati’ në Prishtinë. Në këtë aksident ka qenë i përfshirë një tren dhe një automjet. Si pasojë e aksidentit lëndime trupore ka pësuar një person. Personi i lënduar është dërguar për tretman mjekësor, ndërkohë që me rastin po merret Njësiti i Trafikut Rrugor”, ka thënë Ahmeti.
