Kronikë e zezë

Alarm i rrejshëm për bombë në Aeroportin e Prishtinës

Foto: KOHA/Ilustrim
 

Alarmi për bombë në aeroplanin e linjës Romë-Prishtinë në orët e vona të së enjtes ka rezultuar të jetë i rrejshëm, kanë deklaruar zyrtarë policorë të premten, të cilët thanë se është kontrolluar aeroplani si dhe të gjitha bagazhet e udhëtarëve.

Kërcënimi për bombë ishte dhënë gjatë kohës sa aeroplani ka qenë në fluturim duke krijuar shqetësim tek udhëtarët, mirëpo zyrtarët policorë thanë se gjendja e tyre shëndetësore është e mirë dhe tashmë gjithçka është në rregull.