Pesë burra janë arrestuar në 24 orët e fundit për raste të dhunës në familje. Në të gjitha rastet viktima kanë qenë gratë.
Sipas raportit 24-orësh të Policisë së Kosovës, në Podujevë është arrestuar një burrë që më 10 tetor kishte ushtruar dhunë fizike dhe kishte kanosur bashkëshorten e tij. Raporti i Policisë bën të ditur se si pasojë e dhunës dhe frikës, gruaja bashkë me dy fëmijë ishte larguar nga shtëpia pasi ishte ndier e rrezikuar. Pas intervistimit, i dyshuari është dërguar në mbajtje.
Mbështete KOHËN. Ruaje të vërtetën.
Gazetaria profesionale është interes publik. Mbështetja juaj ndihmon që ajo të mbetet e pavarur dhe e besueshme. Kontribuoni edhe ju. 1 euro e bën dallimin.
Letër lexuesit — pse po kërkojmë mbështetjen tuaj KontribuoNdërkaq, një burrë në Prishtinë është liruar në procedurë të rregullt pas intervistimit nga prokurori. Ai dyshohet se pas një fjalosje që kishin pasur vajzat e tij në mes vete, kishte sulmuar fizikisht njërën prej tyre dhe ajo ka pësuar lëndime e ka pranuar trajtim mjekësor.
Një tjetër rast ka ndodhur në Prishtinë. Aty i dyshuari ka sulmuar bashkëshorten. S’është raportuar për të lënduar, ndërsa i dyshuari është liruar në procedurë të rregullt.
Në Graçanicë, i dyshuari, nën ndikim të alkoolit, ka kanosur nënën e tij. Ai është dërguar në mbajtje.
Në Mitrovicë të Veriut, i dyshuari i mitur, është arrestuar pasi ka ushtruar dhunë ndaj nënës së tij. S’është raportuar për të lënduar, por është dërguar në mbajtje.