Gjenden tre AK-47 të fshehur në një automjet në pikëkalimin e Vërmicës

Njësitë e anti-kontrabandës së Doganës së Kosovës kanë zbuluar të fshehura në një automjet me targa të Shqipërisë armë, konkretisht tre AK-47 të çmontuar.

“Gjatë kontrolleve rutinore në pikëkalimin e Vërmicës oficerët doganor kanë selektuar këtë automjet për kontroll të detajuar, në automjet gjendeshin dy shtetas të Shqipërisë”, njofton përmes një komunikate Dogana e Kosovës.

Nga Dogana njoftohet se gjatë kontrollit “nën ulësen e bashkudhëtarit janë gjetur të çmontuara tre armët AK47”.

Personat janë ndaluar pasi automjeti është kontrolluar në detaje, ndërsa rasti është përcjell tek Policia e Kosovës për hetime të mëtejme.

{gallery}