Kosovë

Protestë për rastin e 19-vjeçarit të vrarë, një vit asnjë i dyshuar

 

Në njëvjetorin e vrasjes së Engjëll Smërqakut, të shtunën në Gjilan është mbajtur protestë paqësore para Kuvendit Komunal, ku është kërkuar drejtësi për 19-vjeçarin. Edhe pas një viti fajtori nuk është gjetur, madje nuk ka pasur asnjë të dyshuar. Edhe pse Prokuroria ka thënë se janë duke u marrë në mënyrë intensive me rastin, familjarët kanë deklaruar se janë të zhgënjyer nga drejtësia

Kur ka kaluar një vit nga vrasja e 19-vjeçarit Engjëll Smërqaku, familja dhe qytetarë të tjerë të Gjilanit u mblodhën para Kuvendit Komunal që të kërkojnë drejtësi për të.

Në 23 tetorin e viti të kaluar ai u vra para banesës së tij dhe sot e asaj dite kryerësit e kësaj vepre nuk janë gjetur ende. E zhgënjyer me drejtësinë u shpreh nëna e tij.