Një grup i banorëve të Komunës së Kamenicës kanë ndërmarrë një iniciativë për shkarkimin e kryetarit të Komunës së Kamenicës, Qëndron Kastrati. Ata synojnë mbledhjen e nënshkrimeve të nevojshme nga banorët të cilët kundërshtojnë reformën në arsim.
Reforma në arsim parasheh që Kamenica të funksionojë me vetëm 8 shkolla fillore dhe organet komunale kanë dhënë arsyetimet e tyre për këtë reformë, meqë ata nuk duan funksionimin e shkollave me pak nxënës, ngase numri i nxënësve në këtë komunë ka shënuar rënie drastike për shumë faktorë, shkruan sot Koha Ditore.
Mbështete KOHËN. Ruaje të vërtetën.
Gazetaria profesionale është interes publik. Mbështetja juaj ndihmon që ajo të mbetet e pavarur dhe e besueshme. Kontribuoni edhe ju. 1 euro e bën dallimin.
Letër lexuesit — pse po kërkojmë mbështetjen tuaj KontribuoProcedura për shkarkimin e kryetarit të Komunës precizohet edhe në statutin e Komunës, ku kërkesa për largimin e kryetarit duhet të nënshkruhet nga 20 për qind e trupit votues, të cilët janë të regjistruar dhe pastaj duhet t’i dorëzohet kryetarit të Kuvendit Komunal, i cili e paraqet çështjen në institucionin përkatës, për administrimin e votimit. Sipas statutit të Komunës nëse shumica e votuesve të regjistruar votojnë për largimin e kryetarit atëherë zgjedhjet e reja duhet të bëhen në pajtim me Ligjin mbi zgjedhjet. Numri total i votuesve të regjistruar në Komunën e Kamenicës është 38 mijë e 13 persona.
(shkrimin e plotë e gjeni sot në “Koha Ditore”)