Kryetari i Deçanit i vendosur të mos e zbatojë vendimin që i jep toka Manastirit, përkundër pasojave e thirrjeve

Shahadije Bikliqi-Dragaçina Shahadije Bikliqi-Dragaçina 22 May 2019 20:35

Edhe 3 vjet pas vendimit të Gjykatës Kushtetuese që 24 hektarë tokë t’i takojnë Manastirit të Deçanit, komuna është e vendosur në moszbatim të tij.

Kjo, pavarësisht presionit dhe thirrjeve të vazhdueshme të diplomatëve të huaj në Kosovë që kjo tokë të bartet në emër të manastirit, sipas vendimit të Kushtetueses.

Së fundmi, thirrje Komunës që ta respektojë vendimin e gjykatës, i bëri sërish përfaqësuesja e Zyrës së BE-së në Kosovë, Nataliya Apostolova.

Por, kryetari i kësaj komune, Bashkim Ramosaj, nuk e ka ndërmend të lëvizë nga qëndrimi i tij, edhe nëse kjo sjell pasoja dhe i kushton me vendin e punës, raporton KTV.

Ai ka përsëritur se vendimi i Kushtetueses ishte i njëanshëm.

Ramosaj tregon arsyet se pse ky vendim nuk mund të zbatohet.

Sipas tij, vendimi është një goditje për zhvillimin ekonomik të Komunës së Deçanit, i cili, siç thotë, po e vret shpresën e qytetarëve të kësaj komune.

Sipas shoqërisë civile, fajin për situatën e krijuar e kanë liderët udhëheqës të shtetit, të cilët po heshtin karshi këtij vendimi.

E quajnë kryekëput politik vendimin e Kushtetueses.

Manastiri i Deçanit e ka penguar edhe ndërtimin e rrugës e cila lidh këtë qytet me Plavën dhe Gucinë.

© KOHA. Të gjitha të drejtat janë të rezervuara.

Komentet

Jeton pr 23/05/2019 10:18

Qashtu duhet mekan për popull e jo per xhep E kta ambasadorat i kanë fal boll terrorrizmi serrbë. Mos ta te projnë se bahet tepër.

Kemi23/05/2019 14:29

Mirë na bëjn neve se ne jemi lëshue pas hajnive ( grabitjen e pasuris shtetnore duke e bërë pron private) kurse Priftrinjt serb me një Kryç po e zaptojn mbar rajonin.Ndërkombtarve nuk jav ndien për tokat e shtetit të Kosovës,përse ata nuk po i lejojn në vendet e tyre prej nga vijn ata atje me iu dhan disa Hektar sigurisht që do të ndertonin Kish,kryq rrethoj.Për mendimin tim çdo kult i cili kërkon mbi një Hektar Tokë unë e kisha zhduk krejt at Kult dhe PIKË.

Shto koment

Të ngjashme