-
Nga:
Agim Ademi
- 15 prill 2019 10:58
- Shpërndaje në:
Banorët e fshatit Shalë dhe Krojmir të Komunës së Lipjanit prej më shumë se 2 vjetësh po përballen me telashe të vazhdueshme me rrjetin e kanalizimit dhe të ujërave atmosferike, si pasojë e cilësisë së dobët të punimeve që ishin kryer gjatë ndërtimit të tij, shkruan sot “Koha Ditore”.
Ndërkaq, Komuna nuk ka as kompani për mirëmbajtjen e ujërave të zeza. Drejtues të saj thonë se Komuna është në pritje të kontraktimit të një kompanie të rregullt.
Mbështete KOHËN. Ruaje të vërtetën.
Gazetaria profesionale është interes publik. Mbështetja juaj ndihmon që ajo të mbetet e pavarur dhe e besueshme. Kontribuoni edhe ju. 1 euro e bën dallimin.
Letër lexuesit — pse po kërkojmë mbështetjen tuaj KontribuoDeri tashti Komuna e Lipjanit ka intervenuar nëpër fshatra disa herë nëpërmjet kompanisë “Pastrimi”, mirëpo kërkesat për intervenim po rriten çdo ditë. Në fund të javës së kaluar, depërtimi i ujërave atmosferike mbi rrugën “Brigada 121” dhe nëpër disa oborre të shtëpive në fshatin Shalë kanë shtyrë banorët që të kërkojnë ndihmë edhe nga Policia e Kosovës.
Mexhid Limolli, banor nga fshati Shalë, ka thënë se ujërat atmosferike kanë depërtuar brenda në shtëpinë e tij, ndërkohë që prej 2 vjetësh sa herë që ka reshje të shiut përballet me telashe të njëjta.
Sipas tij, pjesa e epërme e kodrës në këtë fshat gjithmonë sjell ujëra të shumta, ndërkohë që punimet e rrjetit të ujërave atmosferike nuk janë kryer sipas standardeve të duhura, prandaj problemet janë gjithnjë e më evidente.
(Artikullin e plotë mund ta lexoni sot në “Koha Ditore”)