Sulmuesi i Barcelonës që vlerësohet shumë në Spanjë e Suedi, Roony Bardghji, debutoi të premten mbrëma te Suedia në humbjen 2:0 nga Zvicra.
19-vjeçari pati vetëm gjashtë minuta në dispozicion për të bërë ndonjë ndryshim në duelin ndaj helvetikëve, por nuk ia arriti një gjëje të tillë, në ndeshjen kualifikuese për Botërorin 2026.
Më shumë minuta pret për duelin ndaj Kosovës në Goteborg të hënën mbrëma.
“E di se sa shumë mund të kontribojë. Dua vetëm të shfaq më shumë. Por kjo varet nga trajneri. Ne do të provojmë ta bëjmë më të mirën dhe të arrijmë rezultate të mira në ndeshjet e fundit”, ka deklaruar ai.
Kosova fitoi ndaj Suedisë në ndeshjen e parë në Prishtinë 2:0. Tjetër rezultat pozitiv ndaj suedezëve synon të hënën.