Inter Miami ishte në rënie vetëm një javë më parë. Lionel Messi u kujdes që kjo të mos vazhdonte shumë.
Argjentinasi shkëlqeu dhe udhëhoqi Inter Miamin në fitoren 5:1 ndaj Columbus Crew, të shtunën mbrëma. Ishte fitorja e dytë rresht për Miamin.
Mbështete KOHËN. Ruaje të vërtetën.
Gazetaria profesionale është interes publik. Mbështetja juaj ndihmon që ajo të mbetet e pavarur dhe e besueshme. Kontribuoni edhe ju. 1 euro e bën dallimin.
Letër lexuesit — pse po kërkojmë mbështetjen tuaj KontribuoMessi ishte i përfshirë në të gjithë golat e Miamit. Ai shënoi dy herë. Asistoi dy gola të tjerë, ndërsa ishte i përfshirë në aksionin që solli golin e Luis Suarezit.
Si asnjë lojtar tjetër në ligën MLS të SHBA-së, Messi ka dhjetë gola e gjashtë asistime në 13 paraqitje. Pra ishte i përfshirë në 16 gola.
“Padyshim që ai është lojtari më i mirë që e ka luajtur ndonjëherë këtë lojë. Duhet ta kuptojmë se kur ai nuk është i shkëlqyer, kjo ndodh pasi njëri prej nesh po dështon. Ky është realiteti”, ka thënë trajneri i Inter Miamit, Javier Mascherano.
Messi ka pesë gola në tri ndeshjet e fundit të Inter Miamit.