Sulmuesi Jesse Lingard nuk po e gjen formën më të mirë as me skuadrën e re në Kore të Jugut.
Trajneri i skuadrës Seoul nuk është i kënaqur me performancën e anglezit.
"Kam menduar shumë për largimin e Jesse Lingard. Nuk mendoj se një lojtar që nuk vrapon për disa minuta është futbollist”, tha Kim Ki-dong, raporton “goal.com”.
31-vjeçari në verën e vitit të kaluar kaloi si lojtar i lirë te FC Seoul, ndërsa në këtë edicion ka tri paraqitje me skuadrën nga Koreja e Jugut.
Skuadra Seoul bënë pjesë në ligën K League 1 në Kore të Jugut, ku renditet në vendin e shtatë në tabelë me pesë pikë të grumbulluara pas katër xhirosh.
Edhe
Lingardi largohet nga Seouli pas dy sezonesh
Raphael Varane është lënduar në ndeshjen ndaj Brentfordit
Mbrojtësi i Manchester Unitedit, Raphael Varane ka pësuar lëndim në ndeshjen ndërmjet Unitedit dhe Brentfordit, shkruajnë mediat e huaja.
Francezi nuk u paraqit në pjesën e dytë të ndeshjes së zhvilluar të shtunën, ndërsa Harry Maguire e zëvendësoi atë.
Te “djajtë e kuq” janë të lënduar edhe futbollistët si Jonny Evans, Luke Shaw dhe Tyrell Malacia.
Skuadra e Unitedit të shtunën mbrëma barazoi me rezultat 1:1 ndaj Brentfordit në kuadër të xhiros së 30-të në Premier League.
Edhe
Lingard kompleton transferimin në Kore të Jugut
Unitedi gjendet në pozitën e gjashtë me 48 pikë të grumbulluara, kurse skuadra e Brentfordit renditet në vendin e 15-të me 27 pikë.
Manchester City interesohet për Florian Wirtzin
Skuadra e Manchester Cityt ka shprehur interesim për blerjen e lojtarit të Bayern Leverkusenit, Florian Wirtz, njofton “transfermarkt”.
Pep Guardiola dëshiron që ta ketë gjermanin në skuadër në edicionin e ri në Premier League.
Edhe
City insiston për Wirtzin
20-vjeçari është pjesë e skuadrës nga Bundesliga, Bayern Leverkusen, ku deri më tani në këtë edicion në të gjitha garat ka shënuar 11 gola dhe ka bërë 17 asistime.
Për transferimin e Florian Wirtzit kanë shprehur interesim edhe disa skuadra të njohura evropiane si Bayern Muencheni, Paris Saint-Germaini, Real Madridi dhe Liverpooli.
