Trajneri shkupjan Zekirija Ramadani, shpreson të mbetet gjatë trajner i Dritës. Ai u është mirënjohës drejtuesve dhe lojtarëve të Dritës për suksesin e arritur. Drita javë më parë siguroi titullin e kampionit, ndërsa të dielën pranoi Kupën. “U jam shumë mirënjohës të gjithëve, pasi nuk më është dashur shumë për t’u ambientuar. Kam gjetur një familje të madhe këtu. Jam i kënaqur dhe shpresoj të qëndroj sa më gjatë te Drita”, ka thënë Ramadani.
Ramadani ka besuar se lojtarët e tij mund ta fitojnë titullin. “Jam mbështetur në te kualiteti i futbollistëve. Kam besuar se me punë dhe kualitet do të arrijm sukses. Kjo është ftesa”, ka theksuar Ramadani.
Për Dritën është titulli i katërt. Të parin e kishte fituar në edicionin 2002/03. Më pas triumfoi në kampionat edhe në edicionin 2017/18 dhe së fundi në edicionin 2019/2020.
47-vjeçari Ramadani është prej trajnerëve më të suksesshëm në futbollin kosovar.
Ai ka katër tituj të kampionit me skuadra të ndryshme.
Shkupjani e ka fituar titullin edhe me Trepçën ’89, Feronikelin dhe Prishtinën.
Si kampione, Drita do të paraqitet në rundin e parë kualifikues të Ligës së Kampionëve. Në kualifikimet e Championsit ishte paraqitur edhe në edicionin 2018/19 dhe 2020/2021.
