Gjermania ka zgjedhur që ta ftojë tinejxherin e Kolnit, Said El Malan, për ndeshjet kualifikuese të Botërorit 2026 ndaj Luksemburgut dhe Sllovakisë.
19-vjeçari El Mala ka impresionuar me katër gola e dy asistime në nëntë paraqitje në Bundesligë, ndërsa në shumicën e ndeshjeve ishte zëvendësues.
Ai ka luajtur edhe për të rinjtë e Gjermanisë.
“E kemi parë talentin e tij edhe te grupmosha U21 dhe pas konsultimeve me selektorin Toni Di Salvo, kemi dashur t’i japim rastin me ekipin e seniorëve”, ka deklaruar përzgjedhësi Julian Nagelsmann të enjten.
Nagelsmann po ashtu ka kthyer në skuadër Leroy Sanen e Galatasarayt, dhe mbrojtësin Malick Thiaw që paraqitet te Newcastle United.
Edhe
Gjermania publikon listën, Sane mbetet jashtë
Gjermania luan ndaj Luksemburgut në udhëtim më 14 nëntor, ndërsa me Sllovakinë luan në Leipzig tre ditë më vonë.
Sllovakia e befasoi Gjermaninë me fitoren 2:0 në ndeshjen hapëse, dhe të dyja përfaqësueset kanë nga nëntë pikë në Grupin A. Vetëm fituesi i grupit avancon direkt në turneun final të vitit të ardhshëm.
