Kampioni i Zvicrës, Thuni, nuk do ta shfrytëzojë opsionin e blerjes së kartonit të Kastriot Imerit nga Young Boysi, njoftoi klubi zviceran të mërkurën.
Imeri u huazua te Thuni nga Young Boysi në gusht të vitit 2025.
25-vjeçari e ndihmoi Thunin të shpallet kampion me gjashtë gola e tetë asistime.
Por pas një “analize të situatës së përgjithshme”, menaxhmenti i Thunit vendosi të mos e ushtrojë opsionin e blerjes së kartonit.
“Kastriot Imeri u përshtat pa probleme në ekip që nga fillimi dhe luajti rolin e tij në kolektivin e fortë të Thun për të fituar titullin e kampionatit”, shkroi Thun në një njoftim për shtyp.
Imeri ka kontratë me Young Boys deri në vitin 2027.
