Talenti anglez që është pjesë e Arsenalit, Ethan Nwaneri, do të huazohet te klubi francez, Marseille.
Huazimi do të jetë i vlefshëm deri në fund të këtij edicioni.
Lajmin e ka bërë të ditur eksperti i transferimeve, Fabrizio Romano.
Marseille do ta mbulojë pagën e Nwanerit. Në marrëveshje nuk është përfshirë klauzola e blerjes së kartonit.
Mësohet se trajneri i Arsenalit, Mikel Arteta, luajti rol kyç në lehtësimin e transferimit të Nwanerit te Marseille. Ai e inkurajoi mesfushorin me tipare sulmuese që të kërkojë më shumë minuta te Marseille, që drejtohet nga Roberto De Zerbi.
18-vjeçari këtë edicion me Arsenalin në Premier League ka luajtur vetëm 101 minuta. Ai nuk kishte shumë hapësirë për shkak se Arsenalit në verën e kaluar iu bashkuan sulmues të ri si Viktor Gyokeres e Noni Madueke.
Nwaneri pjesë e skuadrës së parë të “Topçinjve” është nga viti 2024.