Driton Camaj ka shënuar supergol për Novi Pazarin të enjten mbrëma ndaj Partizanit të Beogradit.
Por, goli i shqiptarit 29-vjeçar që luan në krah nuk i ka mjaftuar skuadrës së tij ta shmangë disfatën në ndeshjen e xhiros së 30-të të Superligës së Serbisë.
Camaj 29-vjeçar që luan për Malin e Zi shënoi me goditje të fuqishme e të saktë për 1:1, në minutën e parë shtesë të pjesës së parë.
Për Camajn, i cili e kompletoi ndeshjen, ishte goli i gjashtë në kampionatin elitar të Serbisë. Ai e ka edhe një asistim.
Novi Pazari është i pesti në tabelë me 47 pikë, por është në grupin e skuadrave që luftojnë për titull kampioni.
Edhe
Supergoli i shqiptarit Camaj nuk i mjafton Novi Pazarit
Camaj u vlerësua për paraqitjen e treguar ndaj Partizanit të Beogradit.
“Spektakël në Novi Pazar! Një gol nga shqiptari prej 20 metrash, pastaj një mjeshtëri e Polterit me thembër – por kjo nuk ishte e gjitha!”, është titulli i mediumit serb “sportissimo.rs”.
Në shkrimin e këtij mediumi serb përshkruhet goli i Camajt.
“Driton Camaj i barazoi shifrat në një mënyrë spektakolare, kur me gjithë fuqinë e tij e dërgoi topin pas shpinës së portierit të Partizanit nga më shumë se 18 metra distancë”, vazhdon shkrimi i “Sportissimo”.
Për paraqitjen e mirë të Camajt ka shkruar edhe gazeta “Blic”.
Edhe
Futbollisti shqiptar vazhdon të marrë vëmendje në Serbi
“Çfarë goli nga Camaj! Ai e tronditi rrjetën e Partizanit në mënyrë të pabesueshme. Ai u ‘ndihmua’ nga Vukotiq, i cili luajti keq, gjë që Camaj e shfrytëzoi dhe dërgoi një ‘raketë’ nga pothuajse 20 metra për të bërë rezultatin 1:1 para përfundimit të pjesës së parë. Portieri Millosheviq ishte i pafuqishëm”, përshkruan golin e Camajt mediumi “Blic”.
Ndeshja u zhvillua pa praninë e shikuesve në ndeshjen ku u shënuan plot pesë gola.
Mediumi “Telegraf” e cilësoi Camajn si të pandalshëm nga lojtarët e Partizanit.
“Partizani nuk kishte një zgjidhje për Driton Camajn, e shpërtheu mbrojtjen e rivalit sa herë që donte”, shkruan “Telegraf”.
Edhe
Shqiptari Camaj vazhdon me paraqitje të mira në Serbi
Novi Pazari është klub i qytetit në afërsi të kufirit me Kosovën, në të cilin shumica e banorëve janë boshnjakë.
Novi Pazari është në vendin e pestë me 47 pikë.
