Manchester Unitedi ka shfaqur paraqitje të madhe në udhëtim tek Athletic Bilbao në ndeshjen e parë të gjysmëfinales së Ligës së Evropës.
“Djajtë e kuq” të udhëhequr nga trajneri Ruben Amorim, shënuan fitore 3:0 në stadiumin “San Mames”.
Pas një jave vetëm i duhet që ta ruajë këtë rezultat dhe ta sigurojë finalen që do të luhet po në “San Mames” më 21 maj.
Mysafirët u shfaqën të rrezikshëm që në minutën e gjashtë kur realizuan me Alejandro Garnachon, por që goli u anulua për pozitë jashtë loje.
Pas gjysmë ore lojë, goli i Casemiros ishte i rregullt dhe Unitedi kaloi në epërsi.
Edhe
Tjetër paraqitje bindëse e Unitedit që avancon në finale
Vetëm pesë minuta më vonë, Bilbaos iu vështirësuan punët kur mbrojtësi Dani Vivian u përjashtua nga loja direkt me të kuq. Gjyqtari e ndëshkoi atë për kapje në zonë dhe akordoi penallti.
Nga penalltia i saktë ishte Bruno Fernandez.
Mesfushori portugez dhe kapiteni i Unitedit realizoi edhe në minutën e fundit të pjesës së parë për fitoren 3:0. Fernandes u bë lojtari i parë në histori të Ligës së Evropës që përfshihet në 30 e më shumë gola në ndeshjet nokaut.
Ai ka 19 gola gjithsej e 12 asistime në 32 paraqitje.
Ndeshja kthyese luhet pas një jave në “Teatrin e Ëndrrave”.
Super United në pjesën e parë
Manchester Unitedi ka shfaqur paraqitje mbresëlënëse në pjesën e parë të gjysmëfinales së parë të Ligës së Evropës në udhëtim te Athletic Bilbaos.
Edhe
Bilbao me shumë mungesa dhe pak gjasa ndaj Unitedit
Unitedi është duke fituar në “San Mames” me rezultatin 3:0, ndërsa skuadra spanjolle ka mbetur pa një futbollist.
Alejandro Garnachos iu anulua një gol në minutën e gjashtë për pozitë jashtë loje, por ai i Casemiros në minutën e 30-të ishte i rregullt për 1:0.
Vetëm pesë minuta më vonë, Bilbao mbeti pa mbrojtësin Dani Vivian, që u përjashtua direkt me të kuq, kur edhe shkaktoi penallti.
Portugezi Bruno Fernandes ishte i saktë për 1:0 nga pika e bardhë.
Mesfushori dhe kapiteni i “djajve të kuq” realizoi tjetër gol në minutën e fundit të pjesës së parë për rezultatin 3:0.
Pjesën e parë me epërsi 2:0 në gjysmëfinalen e parë të Ligës së Evropës është duke e fituar edhe Tottenhami ndaj Bodo/Glimtit.
Edhe
Me rikthimin e jashtëzakonshëm, Unitedi kalon në gjysmëfinale të Ligës së Evropës
Gjysmëfinalet e para po luhen edhe në Ligën e Konferencës.
Chelsea është duke fituar 2:0 në udhëtim te Djurgardeni, kurse Betisi po udhëheqë 1:0 ndaj Fiorentinas.
