Mediat spanjolle kanë ekspozuar skandal të madh ku figurë kryesore është ylli i Manchester Cityt, Matheus Nunes, futbollist të cilin skuadra e drejtuar nga Pep Guardiola e bleu për 60 milionë euro në verën e vitit 2023.
Siç shkruan “El Mundo Deportivo”, më 8 shtator të këtij viti, Nunesi përfundoi në burgun e Madridit pas vjedhjes që kreu në një nga klubet e natës në kryeqytetin e Spanjës dhe gjithçka u mbulua për rreth 20 ditë.
Gazeta spanjolle shkruan se 26-vjeçari i kombëtares portugeze u ndalua në orët e para të mëngjesit të 8 shtatorit në diskotekën e madhe “La Riviera” dhe më pas u dërgua në policinë lokale për t’u marrë në pyetje.
Nunes u arrestua pas një incidenti që pati me një 58-vjeçar në tualetin e një klubi nate. Ylli i Cityt i vodhi telefonin të moshuarit pasi tentoi ta fotografonte në tualet dhe më pas Nunesi nuk pranoi t’ia kthente.
26-vjeçari e kaloi mëngjesin nën pranga dhe u dërgua në komisariatin e policisë në lagjen e Madridit në Arganzuela dhe u lirua pak orë më vonë pas ndërhyrjes së një avokati.
Sipas Mundos, Nunes pritet të përballet me akuza dhe gjyq për këtë incident.
Edhe
Newcastle transferon futbollistin e rëndësishëm të Man. Cityt
Nunesi po qëndronte me miqtë në Madrid ato ditë pasi trajneri i Portugalisë, Roberto Martinez nuk e ftoi për ndeshjet ndërkombëtare në Ligën e Kombeve.
Nunes u transferua te Manchester City në verën e vitit 2023 nga Wolverhamptoni për 60 milionë euro. Nunesi ka luajtur të martën mbrëma të 90 minutat në fitoren e Manchester City ndaj Slovanit në Bratislavë, në ndeshjen e xhiros së dytë të Ligës së Kampionëve.
