Gjatë Kampionatit Evropian të kësaj vere, Kosovare Asllani bëri të ditur se koha te Suedia po shkonte drejt fundit.
Por, situata e Asllanit te Suedia ka ndryshuar pas humbjes nga Franca të premten mbrëma 2:1 në ndeshjen e parë të gjysmëfinales.
Asllani ishte kapitene. Ajo tani ka dhënë sinjale se mund të mbetet edhe më tutje te suedezet.
36-vjeçarja është futbollistja me eksperiencën më të madhe aktualisht.
Shumica e lojtareve tjera me eksperiencë janë pensionuar, përfshirë edhe Magdalena Erikssonin.
“Kam mbetur vetëm unë”, ka thënë Asllani në një intervistë dhënë për “Aftonbladet”.
“E di se do të kem pyetje të tilla vazhdimisht, por më pëlqen të luajë edhe për shtetin dhe klubin. Ndihem në formë të mirë, kështu që më vonë do të përgjigjem rreth pyetjes për pensionim”.
Asllani ka theksuar se synimi i saj është që rolin si lidere ta bartë te futbollistet e reja hap pas hapi, dhe të ndihmojë në zhvillimin më të madh të tyre.
“Jam e mësuar me këtë rol. Ndiej përgjegjësi në ndihmën e ekipit sepse e dua përfaqësuesen. Është vështirë të largohesh kur e ndien se mund të japësh ende ndihmë”, ka theksuar Asllani.
Asllani ka 205 paraqitje dhe 50 gola të shënuar me Suedinë.