Ndeshja e së martës në Bundesligë ndërmjet Hamburgut dhe Bayer Leverkusenit u shty më pak se tre orë para fillimit për shkak të shqetësimeve për sigurinë.
Gjermania është goditur nga një stuhi e madhe bore ditët e fundit, por ndeshja në Hamburg dukej se do të zhvillohej.
Por në një deklaratë të lëshuar disa orë para fillimit të ndeshjes nga Bundesliga u tha se problemet strukturore me kulmin e stadiumit “Volksparkstadion” nënkuptonin se ndeshja nuk mund të luhej në mënyrë të sigurt.
Gjatë fundjavës dy ndeshje të Bundesligës u shtynë për shkak të reshjeve të dendura të borës.
Në deklaratën e Hamburgut shkruan se uji i shkrirë është grumbulluar në kulmin e stadiumit gjë që paraqet rrezik për shikuesit.