Futbollistët e grupmoshës U21 të Shqipërisë, e kanë fituar në udhëtim 2:1 miqësoren e parë të këtij muaji.
Futbollistët e drejtuar nga përzgjedhësi Alban Bushi fituan në udhëtim te Hungaria të enjten pasdite.
Pjesa e parë u mbyll pa gola.
Kevin Dodaj që në lojë hyri si zëvendësues, realizoi menjëherë me të nisur pjesa e dytë.
Aron Dragoner në minutën e 74-t i barazoi shifrat pas golit të shënuar me kokë, pasi u shkëput më së larti në zonë.
Por ishte Enes Osmani që bëri lëvizje të mirë në zonë pas dy minutash, dhe ia siguroi fitoren “kuqezinjve”.
Më 8 qershor, Shqipëria luan tjetër miqësore. Në Stamboll ballafaqohet me Turqinë.
