Amir Shaipi në shtator të vitit të kaluar zgjodhi ta përfaqësojë Kosovën.
Portieri Shaipi, i cili luan për skuadrën zvicerane Lugano, me Kosovën e ka zhvilluar një ndeshje.
Shaipi më herët ka luajtur për U20 dhe U21 të Zvicrës.
24-vjeçari Shaipi, i cili ishte i ftuar në emisionin “La Domenica Sportiva”, theksoi se është shumë i lumtur që luan për Kosovën.
Ai tregoi se për vendimin që e mori të luaj për “Dardanët” është konsultuar edhe me selektorin e Zvicrës, Murat Yakin dhe trajnerin e portierëve te helvetikët, Patrick Foletti.
“Për vendimin që ta përfaqësojë Kosovën kam folur shumë herë me familjen time, veçanërisht me vëllezërit e mi, por edhe me Patrick Folettin dhe Murat Yakinin. Në Kosovë po punojnë shumë mirë dhe gjithmonë kanë thënë se më kanë dashur shumë, ndaj jam i lumtur që luaj për Kosovën. Mendoj se është e rëndësishme të jesh në gjendje të luash edhe për një ekip kombëtar”, ka thënë Shaipi.
Shaipi është prej kryesorëve te Lugano, që është lidere në Superligën e Zvicrës.
Edhe
Zyrtare, Shaipi në kategorinë e dytë spanjolle
Ai me klubin zviceran këtë edicion në të gjitha garat ka luajtur në 32 ndeshje.
Shaipi karrierë ka bërë edhe në disa skuadra tjera zvicerane si Schaffhausen, Grasshopper U21 dhe Winterthur U21.
