Pas pesë vjetësh te Lugano, Amir Shaipi pritet të largohet. Portieri i Kosovës ka ngjallur interesimin e skuadrës norvegjeze Bodo/Glimt, që bëri befasi në Ligën e Kampionëve.
Është gazeta e madhe zvicerane, Blick, që ka shkruar për interesimin e Bodos për 25-vjeçarin Shaipi.
Ai ka kontratë deri në vitin 2027, por është gati për hapin tjetër në karrierë.
“Secili lojtar dëshiron të bëjë hapin përpara dhe të luajë në top-pesë ligat”, ka thënë Shaipi së fundi për “Blick”.
Sipas gazetës zvicerane, më i mundshëm është kalimi te ndonjë skuadër që luan rregullisht në Evropë, para transferimit në ndonjë skuadër të top-ligave.
Edhe
Portieri i Kosovës drejt Kategorisë së Dytë të Spanjës
Nikita Haikin është portieri i parë i Bodo/Glimtit. Por paraqitjet shumë të mira në Champions kanë bërë që ai të kërkohet nga skuadra të mëdha.
Gjasat janë shumë të mëdha që Shaipi të largohet në verë nga Lugano.
