Cristiano Ronaldo pritet të luajë në një tjetër Kampionat Botëror.
Portugalia e siguroi biletën për turneun në Kanada, Meksikë dhe Shtetet e Bashkuara të Amerikës, pas fitores 9:1 të dielën ndaj Armenisë.
Ronaldo mungoi në ndeshjen e zhvilluar në Porto për shkak të supsendimit – por pavarësisht mungesës së tij, Portugalia e siguroi Botërorin, që do të jetë i gjashti për superyllin portugez.
Pesë herë fituesi i “Topit të Artë” do të jetë 41-vjeçar në kohën kur turneu nis në qershor. Për Ronaldon do të jetë mundësi tjetër që ta fitojë trofeun që i mungon.
Ai pritet të jetë pjesë e përfaqësueses që udhëhiqet nga Roberto Martinez, edhe pse Ronaldo mund të suspendohet pas kartonit të kuq që e mori të enjten mbrëma në humbjen 2:0 nga Irlanda.
Në Kupën e Botës 2026 pritet të paraqitet edhe rivali i tij i madh, Lionel Messi.
Fituesja në fuqi e Botërorit, Argjentina, e ka siguruar po ashtu vendin në Botëror.
Messi veçse është fitues i Botërorit. Ai triumfoi me Argjentinën në Katar, në vitin 2022.
Ronaldos, i cili e ka fituar Kampionatin Evropian dhe dy herë titullin e Ligës së Kombeve me Portugalinë, i mungon trofeu i Botërorit.
40-vjeçari në nivel ekipor ka pesë Liga të Kampionëve dhe tituj të ligave në Angli, Spanjë e Itali.
Ronaldo në kualifikimet e Kampionatit Botëror është golashënuesi më i mirë me 41 gola.