Bayern Muncheni e kërkon fitoren e radhës në Bundesligën gjermane dhe vazhdimin e dominimit.
Bayerni të shtunën nga ora 15:30 e pret Augsburgun, ku paraqitet Elvis Rexhbeçaj. Kjo ndeshje i takon javës së 19-të të elitës gjermane të futbollit.
Bayerni ka 16 fitore dhe dy barazime. Është lider me 50 pikë.
Bavarezët humbjen e fundit e kanë pësuar më 26 nëntor të vitit të kaluar nga Arsenali në Ligën e Kampionëve.
Bayerni ka fituar nëntë ndeshjet e fundit ndaj Augsburgut në të gjitha garat.
Edhe
Bundesliga me mbyllje të zjarrtë, “në lojë” Championsi dhe rënia nga liga
Augsburgu ka 16 pikë dhe e zë vendin e 15-të dhe po lufton për mbetje në elitë.
Rexhbeçaj xhiron e kaluar shënoi gol në barazimin 2:2 të Augsburgut ndaj Freiburgut.
Të shtunën nga ora 15:30 luhet ndeshja tjetër interesante mes Eintracht Franfkurtit dhe Hoffenheimit.
Te Hoffenheimi luajnë futbollistët kosovarë Albian Hajdari, Fisnik Asllani dhe Leon Avdullahu. Hoffenheimi ka 33 pikë dhe e zë vendin e tretë. Frankfurti ka 27 pikë në pozitën e shtatë.
Edhe
Augsburgu i Rexhbeçajt fiton ndaj Leverkusenit
Klubi tjetër i madh gjerman, Borussia Dortmundi, luan të shtunën nga ora 18:30 në udhëtim tek Union Berlini.
Dortmundi ka 39 pikë dhe e zë vendin e dytë. Union Berlini renditet në pozitën e nëntë me 24 pikë.
