Pronari i FC Andorra, Gerard Pique, ka thënë se portieri Jesus Owono nuk e ka merituar dënimin prej 12 ndeshjeve moslojë. Ky dënim iu dha Owonos për përplasjen që solli vdekjen e sulmuesit të Tenerifes, Jesus de Miguel.
Owono dhe Miguel u përplasën gjatë ndeshjes së kategorisë së dytë spanjolle, më 2 nëntor. De Miguel u dërgua në spital dhe vdiq një ditë më pas.
Komiteti Disiplinor i Federatës spanjolle e dënoi Owonon për sjellje të dhunshme, që çoi në lëndime të rënda.
“Lojtarët, ish-lojtarët, trajnerët, portierët, të gjithë e kanë vlerësuar aksident”, ka thënë Pique në një video të postuar në orët e vona të sëë hënës.
“Vërtet besoj se caktimi i dënimit maksimal ndaj Jesusit për veprimin e tij e vendos atë në situatë që nuk e meriton, pasi ai nuk mund të fajësohet për gjithë atë që ndodhi”, ka shtuar ish-futbollisti i njohur.
Pique ka theksuar se Owonos do t’i duhen dukshëm më tepër se 12 ndeshje që të kthehet në fushën e futbollit.