Edhe një herë tjetër, Leverkuseni i udhëhequr nga Granit Xhaka në mesfushë siguruan fitoren në minutat shtesë. Fituesi në fuqi i Kupës së Gjermanisë, Leverkuseni, eliminoi Kolnin në çerekfinale të garës. Kolni ku aktivizohet Leart Paqarada, është lider i Bundesligës 2.
Skuadra e mbrojtësit të Kosovës ishte duke udhëhequr 2:0, por në kohën shtesë, saktësisht në minutën e 96-të, Patrick Schick, shënoi golin e barazimit 2:2. Ai shënoi edhe për 2:1, ndërsa për 3:2 realizoi Victor Boniface. Ai realizoi golin e fitores për Leverkusenin në minutën e 98-të. Me golin e tij të shënuar, Leverkuseni siguroi kalimin në gjysmëfinale të garës së Kupës.
Xhaka luajti 120 minuta. Minutat e fundit i luajti si qendërmbrojtës.
“Në fundin e ndeshjes ne u hapëm krejtësisht. Aleix Garcia dhe unë luajtëm si qendërmbrojtës. Nuk ishim mësuar me këtë lojë, por në fund kjo doli e suksesshme”, ka thënë Xhaka, shkruan “Kicker” të enjten.
Kalimi në gjysmëfinale të Kupës së Gjermanisë ishte i vështirë për Leverkusenin. Këtë e ka pranuar edhe vetë kapiteni i Zvicrës, Xhaka.
Edhe
Xhaka: E dinim se do të na vinte rasti për fitore
“Gjithmonë them, pavarësisht si është situata para ndeshjes, nuk ka favorit në ndeshjet e Kupës. Mendoj se kjo fitore do të na japë shumë motivim për ndeshjet e tjera, pasi u kthyem nga disavantazhi 2:0”, ka thënë Xhaka pas fitores ndaj rivalit lokal.
Ai shpreson që ndeshja të ketë efekt pozitiv deri në fund të edicionit aktual. Gjatë këtij ballafaqimi, Xhaka shqetësohej shumë për rrjedhën e ndeshjes. Momenti kyç ishte kur Leverkuseni e shënoi golin e parë në minutën e 61-të për 2:1.
Futbollistët e Leverkusenit dukeshin të çrregullt në fushën e lojës në fazën sulmuese.
Xhaka 32-vjeçar, që në edicionin aktual ka zhvilluar 33 ndeshje e ka kontribuuar me dy gola e gjashtë asistime, e ka përgëzuar edhe lojën e mirë të Florian Wirtzit.
Wirtzi ishte asistues në golin e parë. Pati kontroll të mirë të topit, e më pas për mrekulli asistoi për Schickun.
“Ai ndoshta është numri 10-të, por mentalitetin që e ka është ai i numrit gjashtë. Punën e madhe të cilën e kryen me plot sukses në fushën e lojës, e përcjellë edhe jashtë saj. Për mua, Wirtzi është në mesin e dhjetë lojtarëve më të mirë në botë”, është shprehur Xhaka.
Pas suksesit në Kupën e Gjermanisë, Leverkuseni i kthehet Bundesligës gjermane, ku e kërkon suksesin e dytë rresht, por ka mbetur prapa në garën për titull.
Vendin e parë e ka Bayern Munichu me 51 pikë. Leverkuseni është i dyti me 45 pikë.
Edhe
Xhaka shënon supergol, Leverkuseni fiton sërish me gol në minutat shtesë
Leverkuseni në sezonin e kaluar e fitoi titullin pa asnjë humbje në Bundesligën gjermane, ndërsa triumfoi edhe në Kupën gjermane.
Disfatë kishte pësuar në finale të Ligës së Evropës nga Atalanta, 3:0.
