Chelsea e ka nisur sezonin në Premier Leagues me dy fitore, dy barazime dhe një humbje. Është larg pritshmërive dhe brenda ekipit ka pakënaqësi.
Sipas mediave londineze, disa lojtarë nuk janë plotësisht të kënaqur me trajnerin Enzo Maresca. Disa madje e konsiderojnë atë arrogant. Superylli anglez, Cole Palmer, është i pakënaqur me rolin e tij në sistemin taktik të trajnerit italian.
Por Maresca pati sukses me Chelsean, duke e udhëhequr drejt triumfit në Kupën e Botës për Klube. Chelsea po ashtu paraqitet në Ligën e Kampionëve këtë sezon, ku nisi me humbje nga Bayerni.