Xhiroja e gjashtë e Premier Leagues angleze pritet të ofrojë ndeshje interesante.
Plot shtatë ndeshje do të luhen të shtunën, kurse dy të dielën. Xhiroja mbyllet të hënën.
Kampioni në fuqi i Anglisë, Liverpooli, të shtunën nga ora 16:00 luan në udhëtim te Crystal Palace.
Liverpooli është skuadra e vetme që ka fituar pesë ndeshjet e deritashme. I prin tabelës me 15 pikë.
Edhe Crystal Palace nuk qëndron keq me rezultate. Nuk di për humbje, kurse ka dy fitore dhe tri barazime. E zë vendin e pestë me nëntë pikë.
Edhe
Ndeshje interesante në Premier League
Është hera e parë për Crsystal Palacen që nuk ka pësuar disfatë në kampionat në pesë ndeshjet e para, që nga edicioni 1990/91.
Në përgjithësi, Crystal Palace është e pamposhtur në 11 ndeshje në elitën angleze.
Mes dy skuadrave janë zhvilluar 64 ndeshje.
Liverpooli prin me 35 fitore, Crystal Palace i ka 16 dhe 13 herë ndeshja ka përfunduar baras.
Në bazë të formës së skuadrave, kjo mund të jetë ndeshja kryesore në fundjavë.
Skuadrat e tjera pretendente për titull shpresojnë që Palace të ndalë hovin e Liverpoolit.
Edhe
Premier League luhet të dielën, të hënën e të martën
Nga ora 16:00 të shtunën luajnë edhe Chelsea me Brightonin dhe Manchester City me Burnleyn.
Chelsea është në pozitën e gjashtë me tetë pikë. Brightoni ka tri pikë më pak në vendin e 14-të.
Ndërkohë City ka shtatë pikë në vendin e nëntë, derisa Burnley gjendet në pozitën e 16-të me katër pikë.
Xhiroja e gjashtë fillon me ndeshjen që fillon nga ora 13:30 dhe vë përballë Brentfordin dhe Manchester Unitedin.
Brentfordi ka katër pikë në vendin e 17-të, kurse Unitedi ka tri pikë më shumë dhe është gjashtë pozita më lart.
Edhe
Gara për titull e zjarrtë, kryendeshja në Manchester
Një tjetër ndeshje interesante është ajo në mes Newcastle Unitedit dhe Arsenalit, që luhet të dielën nga ora 17:30.
Arsenali është në vendin e dytë me dhjetë pikë. Newcastle zë pozitën e 13-të me gjashtë pikë.
