Shkëlqen Muriqi, gol e asistim në fitoren e Fenerbahçes

Vedat Muriqi ka shkëlqyer të shtunën mbrëma për Fenerbahçen në përballjen ndaj Konyasporit. 

Muriqi realizoi gol dhe bëri një asistim në fitoren 4:2 të Fenerit ndaj Konyasporit. 
Ishte ndeshja e xhiros së dytë të Superligës së Turqisë. 

Sulmuesi i Kosovës e shënoi golin e parë në ndeshje në minutën e shtatë. Ai realizoi nga afërsia. 

32-vjeçari Muriqi asistimin e bëri te goli i katërt të cilin e realizoi Mason Greenwood në minutën e 49-të. 

Greenwood e realizoi edhe golin e dytë në minutën e 20-të. 

Edhe Futboll 30 gus 2026 Vedat Muriqi vazhdon shkëlqimin te Fenerbahçe

Ndërsa në minutën e 33-të, Marco Asensio, e shënoi golin e tretë. 

Ndërkohë golin e parë për Konyasporin e realizoi Ebrima Colley. Deniz Turuc e shënoi të dytin në fund të takimit

Qendërsulmuesi Muriqi u paraqit deri në minutën e 69-të dhe u zëvendësua me Romelu Lukakun.

Te Konyaspori nga minuta e 60-të u paraqit Enis Bardhi. 

Ishte goli i parë i Muriqit pas kthimit te Feneri. 

Edhe Futboll 5 tet 2026 A do të jetë gati Vedat Muriqi për ndeshjen ndaj Rizesporit?

Muriqi u transferua muajin e kaluar te gjiganti turk nga Mallorca për 15.5 milionë euro. 

Reprezentuesi i Kosovës ka luajtur edhe më herët te Feneri përgjatë edicionit 2019/20.