Malisheva e ka shënuar fitoren e dytë rresht në Superligën e Kosovës në futboll.
Të dielën, Malisheva e mposhti Ferizajn në udhëtim me rezultatin, 2:0, në kuadër të xhiros së 15-të.
Dy golat skuadra e Malishevës i realizoi në pjesën e dytë.
Etnik Brruti e realizoi golin e parë në minutën e 54-t me asistim të Laurent Xhylanit.
Elom Nya-Vedji në minutën e 79-të shënoi për 2:0.
Malisheva edhe xhiron e kaluar fitoi ndaj lideres Prishtinës me rezultatin, 2:0.
Për Malishevën kjo ishte fitorja e shtatë këtë edicion, krahas një barazimi dhe shtatë disfatave. Është ngritur në pozitën e pestë me 22 pikë.
Për Ferizajn kjo ishte ndeshja e katërt rresht pa fitore.
Ferizaj e zë vendin e parafundit me 15 pikë.
Malisheva e shënon golin e dytë ndaj Ferizajt
Malisheva e ka shënuar golin e dytë ndaj Ferizajt.
Për 2:0 realizoi Elom Nya-Vedji në minutën e 79-të. Golin e parë e realizoi Etnik Brruti.
Ndeshja është e vlefshme për javën e 15-të të elitës së futbollit kosovar.
Brruti e kalon në epërsi Malishevën
Etnik Brruti ka realizuar gol në minutën e 53-të për ta kaluar në epërsi Malishevën ndaj Ferizajt.
Brruti shënoi me asistim të Laurent Xhylanit.
Ndeshja është e vlefshme për javën e 15-të të elitës së futbollit kosovar.
Mbyllet pa gola pjesa e parë në Ferizaj
Është mbyllur pjesa e parë pa gola e ndeshjes ndërmjet Ferizajt dhe Malishevës.
Pa gola pjesa e parë u mbyll edhe në ndeshjen që është duke u zhvilluar në stadiumin “Zahir Pajaziti” ndërmjet Llapit dhe Dukagjinit.
Ndeshjet i takojnë xhiros së 15-të të Superligës së Kosovës në futboll.