Trajneri i Chelseat, Enzo Maresca, beson se Jadon Sancho do të jetë ndihmesë e madhe për skuadrën në repartin ofensiv. Të hënën Maresca ka thënë se Sancho është futbollist shumë i mirë në situatat një kundër një.
“Jam shumë i lumtur që e kemi Sanchon në Chelsea. Ai është këtu sepse ne e pëlqejmë atë lloj lojtari, që mund të ndihmojë në situatat një kundër një. Ne kemi nevojë për të”, ka thënë Maresca.
Mbështete KOHËN. Ruaje të vërtetën.
Gazetaria profesionale është interes publik. Mbështetja juaj ndihmon që ajo të mbetet e pavarur dhe e besueshme. Kontribuoni edhe ju. 1 euro e bën dallimin.
Letër lexuesit — pse po kërkojmë mbështetjen tuaj KontribuoSancho është huazuar për një vit te skuadra e Chelseat nga Manchester Unitedi.
Chelsea e ka edhe opsionin e blerjes së 24-vjeçarit. Në edicionin e kaluar, anglezi ishte pjesë e Borussia Dortmundit, si i huazuar.
Në 22 ndeshje të zhvilluara në të gjitha garat ka shënuar tri gola dhe ka bërë tri asistime.
Reali do t’i ofrojë kontratë të re Carvajalit
Skuadra e Real Madridit do t’i ofrojë vazhdimin e kontratës mbrojtësit spanjoll, Dani Carvajal. Të hënën, eksperti i transferimeve, Fabrizio Romano, ka njoftuar se drejtuesit e “Los Blancos” dhe menaxherët e Carvajalit kanë filluar negociatat për rinovimin e kontratës. Trajneri Carlo Ancelotti është i kënaqur me paraqitjet e spanjollit dhe dëshiron që ta ketë pjesë të projektit të tij edhe për edicionin tjetër në La Liga. 32-vjeçari me Realin ka kontratë deri në qershor të vitit të ardhshëm. Pjesë e Realit është nga viti 2013. Ai ka 421 paraqitje me fanellën e gjigantit spanjoll. Ka realizuar 13 gola dhe ka bërë 64 asistime. Me Realin ka fituar 26 trofe.