Manchester City e ka kthyer portierin James Trafford nga Burnley.
Transferimi është prezantuar të martën mbrëma, ndërsa 22-vjeçari ka firmosur kontratë të vlefshme deri në vitin 2030.
Trafford kishte kaluar tetë vjet në Akademinë e Cityt para se të transferohej te Burnley në vitin 2023.
Gjatë dy vjetëve te kjo skuadër u shndërrua në njërin prej portierëve të rinj më premtues në Angli.
Sa ishte te City, Trafford ka pasur periudha huazimi te disa skuadra. Ai është pjesë e U21 të Anglisë.