Napoli e ka konfirmuar të premten transferimin e Lorenzo Luccas në formë huazimi, me opsionin e blerjes së tij.
Sulmuesi italian ishte pjesë e Udineses në edicionin e kaluar, por tani do ta vazhdojë karrierën te kampioni në fuqi i Italisë.
Lucca është transferimi i katërt i Napolit në këtë afat kalimtar, pas Kevin De Bruynes, Luca Marianuccit dhe Noa Langut.
Transferimi i plotë i tij në verën e ardhshme mund të kompletohet për 35 milionë euro.
Lucca ka shënuar 20 gola në 70 paraqitje për Udinesen.
Edhe
Zyrtare, Lucumi te Juventusi për 20 milionë euro
24-vjeçari ka luajtur edhe për Pisan, Palermon, Ajaxin dhe Vicenzan.
Ka debutuar edhe me Përfaqësuesen e Italisë në tetor të vitit të kaluar, ndërsa ka luajtur në pesë ndeshje.
