Mesfushori i Bayernit, Aleksandar Pavloviq, do të jetë një periudhë jashtë fushës pasi pësoi frakturë në zgavrën e syrit, ka njoftuar klubi i madh gjerman.
Reprezentuesi 21-vjeçar i Gjermanisë i është nënshtruar me sukses një operacioni. Bayerni nuk ka saktësuar se sa do të mungojë Pavloviqi.
Gjiganti bavarez është tashmë pa Jamal Musialan, që pësoi lëndim serioz në Kupën e Botës për Klube muajin e kaluar. Jashtë është edhe Alphonso Davies për këputje të ligamenteve.
Bayerni luan me Stuttgarti në ndeshjen për Superkupë të Gjermanisë më 16 gusht. Titullin e Bundesligës fillon ta mbrojë gjashtë ditë më pas ndaj RB Leipzigut.