Mesfushori i Kosovës, Lindon Emërllahu është larguar nga fusha i lënduar gjatë ndeshjes Cluj – Rapid Bukureshti. Cluji e fitoi ndeshjen 3:0.
Emërllahu lëndoi nyjën e këmbës së majtë. Mesfushori Emërllahu mori ndihmën mjekësore, por nuk arriti të rikthehej më në fushë.
“Mbetet të shihet pas testeve nëse lëndimi i Lindon Emërllahut është afatgjatë apo nëse ai do të jetë në gjendje të kthehet në fushë së shpejti”, shkruan “digisport.ro”.
Emërllahu u zëvendësua në minutën e 81-të, katër minuta pasi Meriton Korenica shënoi golin për 3:0.