Mesfushori i Kosovës, Lindon Emërllahu, ka realizuar gol në barazimin e Clujit.
Cluji të shtunën mbrëma barazoi 2:2 me Universitatea Craiovan.
Kjo ndeshje ishte e vlefshme për xhiron e tetë të plejofit të Superligës së Rumanisë.
Emërllahu shënoi për 1:1 në minutën e 53-të.
Ai në lojë u inkuadrua me fillimin e pjesës së dytë ndërsa bashkëlojtari i tij, Meriton Korenica, u paraqit nga minuta e 64-t.
Për 22-vjeçarin Emërllahu ky ishte goli i dytë i realizuar këtë edicion në 14 ndeshjet e zhvilluara.
