Ylli i Barcelonës, Robert Lewandowski, do të mund të kishte marrë shumë para në verën e vitit të kaluar. Kështu ka njoftuar menaxheri i tij, Pini Zahavi, në një intervistë dhënë për mediumin polak “Fakt” të premten.
36-vjeçari ka pasur ofertë të jashtëzakonshme nga Arabia Saudite.
“Një vit më parë, ai pranoi ofertë konkrete. Ofruan 100 milionë euro në sezon. Në sezon!”, tregon Zahavi. Por, Lewandowski kishte vendosur që ta refuzonte atë ofertë.
“Ai preferoi të qëndronte dhe të luftonte për La Liga dhe Ligën e Kampionëve. Për pak sa nuk e arriti suksesin në të dyja garat”.
Lewandowski ka kontratë me Barcelonën deri në vitin 2026.