Bayer Leverkusenit i duhet vetëm edhe një fitore për ta fituar Bundesligën gjermane për herën e parë në histori.
Leverkuseni të dielën e pret Werder Bremenin nga ora 17:30, në ndeshjen e fundit të xhiros së 29-të të elitës gjermane të futbollit.
Skuadra e drejtuar nga Xabi Alonso, synon që ta përfundojë edicionin pa humbje. Do të ishte tjetër kapitull historik.
Leverkuseni në edicionin aktual ka 24 fitore e katër barazime.
Edhe Bayern Munichu, që ka 33 tituj në Bundesligë, nuk ka arritur që ta mbyllë një edicion pa humbje.
Edhe
Levekuseni i vendosur të vazhdojë ecurinë në Bundesligë
Nëse arrihet ky sukses i Leverkusenit, ka gjasa që në fund skuadra e Granit Xhakës ta pranojë mburojën apo trofeun me ngjyrë ari.
Bayern Munichu të shtunën nga ora 15:30 e pret Koelnin që po lufton për mbijetesë, ndërsa Stuttgarti ballafaqohet me Eintracht Frankfurtin.
Bayerni dhe Stuttgarti kanë nga 60 pikë në pozitat dy e tre.
Nëse Bayerni dhe Stuttgarti humbin të shtunën, Leverkuseni do të bëhej kampion pa luajtur me Werder Bremenin. Një skenar të tillë nuk e duan te Leverkuseni.
Bayer Leverkuseni ka 76 pikë, kur kanë mbetur edhe gjashtë ndeshje deri në fund të garës.
Vitin e kaluar, Bayerni dhe Dortmundi e mbyllën edicionin me nga 71 pikë pas 34 ndeshjeve të luajtura.
Edhe
Leverkusen – Bayern, derbi i madh në Bundesligë
Bavarezët fituan titullin falë goldallimit më të mirë.
Por, ecuria prej 11 titujve rresht nga Bayern Munichu në Bundesligë, me shumë gjasë do të ndalet këtë fundjavë.
