Tenerife e ka kujtuar të dielën Jesus de Miguelin, në ndeshjen e parë pas vdekjes së sulmuesit.
Tenerife e mposhti Ceutan me rezultatin 2:0 në La Liga 2.
Mesfushori i skuadrës, Nacho Gil, e shfaqi fanellën e De Miguelit pasi e shënoi golin e parë.
Para fillimit të ndeshjes, lojtarët e Tenerifes dhe Ceutas mbajtën veshur fanellën me mbishkrimin “gjithmonë në kujtesën tonë”.
Ata u mblodhën në mesin e fushës dhe mbajtën një minutë heshtje.
Fanellat e kishin emrin e De Miguelit dhe numrin 9 në shpinë.
Loja u ndal në minutën e nëntë. Lojtarët, trajnerët dhe tifozët duartrokitën.
Një mural i De Miguelit është vizatuar jashtë hyrjes 9 në stadiumin e Tenerifes. Tifozët kanë lënë lule, shalle dhe ndezën qirinj në nderim të futbollistit.
De Migueli vdiq më 3 nëntor. Ai ishte duke ndjekur një top në mesin e fushës kur u godit në gjoks nga portieri i Andorras, Jesus Owono, që kishte dalë jashtë zonës në fundin e ndeshjes së 2 nëntorit në Tenerife.
30-vjeçari De Miguel pësoi arrest kardiak pas përplasjes.
Owono të premten u suspendua për 12 ndeshje pasi mori kartonin e kuq për përplasjen në fushë me De Miguelin.
Komiteti Disiplinor i Federatës së Futbollit të Spanjës ka thënë se Owono përdori “forcë të tepruar” në përplasje.
Owono nëpërmjet një komunikate tha se “është duke i kaluar momentet më të këqija në jetë”. I ka shprehur ngushëllime familjes së futbollistit të ndjerë.